Fuzuli- Gazel (Germdir şâm ü seher mihrinle çerh-i lâciverd)

 

Germdir şâm ü seher mihrinle çerh-i lâciverd
Geh sirişk-i âl eder izhâr geh ruhsâr-i zerd

Subha benzer âşık-i sâdık dimen âlemde kim
Bir nefes geçmez ki çekmez sûz-i dilden âh-i serd

Yahşı sanma ey gönül ehl-i hıred etvârını
Olma gâfil aşk derdinden yaman olmaz bu derd

Mümkin oldukça felek mansûbesinden kıl hazer
Nişe kim hâli değil bî-dâd nakşından bu nerd

Zulmet-i gam ıztirâbın çekmez ol âzâde kim
Her ta’allûktan ola hur-şîd veş âlemde ferd

Ey Fuzûlî kesme ol meh-veş cemâlinden ümîd
Sabr kıl kim devr devrânı değil bî-hûde gerd

(Fâîlâtün Fâîlâtün Fâîlâtün Fâîlün)