Gün-günden özgerýär, gül açýar Diýar, Bitaraplyk hakynda aýdym aýdalyň! Bedew bady bilen has öňe barýar, Bitaraplyk hakynda aýdym aýdalyň!   Sport ösdürilýär, toplum gurulýar, Binalaň hatary uzalyp barýar, Arkadag geljegi uzakdan görýär, Bitaraplyk hakynda aýdym aýdalyň!   Bu döwürde ýaş nesiller bagtyýar, Okaýas, öwrenýäs, elde ygtyýar, Bu gün halkym bagtyň eşretin görýär, Bitaraplyk hakynda aýdym aýdalyň!

  Ýüregiňizi diňläň! Baryň huzuryna päklenip kemsiz. Uzyn gijelerde galyň ikiçäk. Darkaşyndan başly – barat duýgulaň Ýürek – size sypalgadyr ýeke-täk.

  Beýgelmek üçin däl — dag boljak boldum Barha köp synladym dagyn ýüzüni. Çünki, ol uzakdan ýetirdi maňa Bir bendäniň: «Halas edin!» sözüni.

  Men ýola düşýärin, gidemok ýalňyz, Meniň bilen asyr barýar ädimläp. Kükreginde syrlar gizlän topragym, Gyzykly gür berýär pikirin jemläp.

Serediň adamlar, sözleýär asman, Sözleýär seslenip mawy bulutlar. Serediň, serediň, baksaňyz her ýan, Sözleýär seslenip bägüller, otlar.

«Menem» diýen goç ýigide Bir mynasyp ýar gerekdir. Arap at, ýowly ýigide Almaz zülpükar gerekdir.

  Jeýhun bile bahry-Hazar arasy, Çöl üstünden öser ýeli türkmeniň, Gül gunçasy, gara gözüm garasy, Gara dagdan iner sili türkmeniň.