Baki - Gazel (Nedür bu handeler bu işveler bu nâz u istiğnâ)

Nedür bu handeler bu işveler bu nâz u istiğnâ

Nedür bu cilveler bu şîveler bu kâmet-i bâlâ

Nedür bu’ârız u hatt u nedür bu çeşm ü ebrûlar

Nedür bu hâl-ı hindûlar nedür bu habbe-i sevdâ

Nedür bu pîç pîç ü çîn çîn ü ham be-ham kâbül

Nedür bu turalar bu halka halka zülf-i müşk-âsâ

Miyânun rişte-i cân mı gümüş âyine mi sînen

Benâgûşunla mengûşun gül ile jâledür gûyâ

Vefâ ummaz cefâdan yüz çevirmez Bâkî âşıkdır

Niyâz etmek ana cânâ yaraşur sana istiğnâ

(Mefâ’îlün Mefâ’îlün Mefâ’îlün Mefâ’îlün)