Fuzuli - Gazel (Ol perî veş kim melahât mülkünün sultânıdır)

 

Ol perî veş kim melahât mülkünün sultânıdır
Hükm anun hükmü bana fermân anun fermânıdır

Sürdü Mecnun nevbetin şimdi benim rüsvâ-yi aşk
Doğru derler her zaman bir âşıkın devrânıdır

Lâhza lâhza gönlüm odundan şererlerdir çıkan
Katre katre göz döken sanman sirişkim kanıdır

Çâkler cismimde tîğ-i aşktan ayb etmeniz
Kim cünûn gül-zârının bunlar gül-i handânıdır

Ey Fuzûlî ola kim rahm ede yâr efgânına
Ağlagıl zâr anca kim zâr ağlamak imkânıdır

(Fâ i lâ tün fâ i lâ tün fâ i lâ tün fâ i lün)