Fuzuli - Gazel (Benüm tek hiç kim zâr ü perişân olmasın yâ Rab)

Benüm tek hiç kim zâr ü perişân olmasın yâ Rab
Esîr-i derd-i aşk u dâğ-ı hicrân olmasın yâ Rab

Dem-â-dem cevrlerdir çekdiğim bi-rahm bütlerden
Bu kâfirler esîri bir müselmân olmasın yâ Rab

Görüp endîşe-i katlimde ol mâhı budur derdim
Ki bu endîşeden ol meh peşîmân olmasın yâ Rab

Çıkarmak etseler tenden çekip peykânın ol servin
Çıkan olsun dil-i mecrûh peykân olmasın yâ Rab

Cefâ vü cevr ile mu’tâdım anlarsız n’olur hâlim
Cefâsına had ü cevrine pâyân olmasın yâ Rab

Demen kim adli yok yâ zülmü çok her hâl ile olsa
Gönül tahtına andan özge sultân olmasın yâ Rab

Fuzûlî buldu genc-i afiyet mey-hâne küncünde
Mubârek mülkdür ol mülk virân olmasın yâ Rab

(Me fâ î lün me fâ î lün me fâ î lün me fâ î lün)