Fuzuli - Gazel - 8 (Ey melek-simâ ki senden özge hayrandır sana)

 

Ey melek-simâ ki senden özge hayrandır sana
Hak bilir insan demez her kim ki insandır sana

Vermeyen cânın sana bulmaz hayât-i câvidan
Zinde-i câvid ana derler ki kurbandır sana

Âlemi pervân-i şem’i cemâlin kaldı aşk
Cân-i âlemsin fidâ her lâhza bin cândır sana

Âşıka şevkınla can vermek sana müşkil değil
Çün Mesih-i vaktsin can vermek âsandır sana

Çıkma yârim geceler ağyâr ta’nından sakın
Sen meh-i evc-i melâhatsin bu noksandır sana

Pâd-şâhım zulm edip âşık sana zâlim demiş
Hûb olanlardan yaman gelmez bu bühtandır sana

Ey Fuzûlî hûb olanlardan tegâfüldür yaman
Ger cefâ hem gelse anlardan bir ihsandır sana

(Fâ i lâ tün fâ i lâ tün fâ i lâ tün fâ i lün)