Fuzuli - Gazel - 20 (Şeb ki miftâh-i meh-i nev ola gencîne-güşâ)

 

Şeb ki miftâh-i meh-i nev ola gencîne-güşâ
Kıla peymâne-i gerdunu cevâhir-peymâ

Gizleyip çeşme-i hur-şîd suyun kûze-i çerh
Katre katre kıla encüm reşehâtın peydâ

Lâle-reng ola şafaktan felek-i minâ-fâm
Taşra salmış kimi aks-i mey-i gül-gûn minâ

Meh-i nev câmını devre getire sâki-i dehr
Encüm-i çerhe sala neş’e-i te’sir-i hevâ

Tutar olsam ne aceb mey eteğin dürd-sıfat
Eyleyiptir nice toprağı bu iksîr tılâ

Ben hem ol rûh-feza râhı dökem sâgara kim
Nahl-i işret resehâtından ola neşv ü nemâ

Câm devrinde Fuzûlî okurum mey vasfın
Âteş-i hırmen-i gam Âb-i Hayât-i hukemâ

(Fe i lâ tün fe i lâ tün fe i lâ tün fe i lün)