Fuzuli - Gazel - 38 (Yürü yeter bana ey sîm-i eşk bî-dâd et)

Yürü yeter bana ey sîm-i eşk bî-dâd et
Ger akçen ile alınmış kul isem âzâd et

İtürme itleri âvâzınıngönül zevkin
Yeter kara geceler herze herze feryâd et

Harâb olan gönül ey büt senin makâmındır
Tegâfül eyleme birkaç taş ile âbâd et

Işitmedin mi gönül aşk müşkil olduğunu
Sana bu müşkil işi kim dedi ki bünyâd et

Hilâf-i âdeta çok olmaya ey perî mâ’il
Yeter füsûn ile teshîr-i âdemi-zâd et

Sabâ esîrleri kasdın eylemiş ol gül
Bizi hem anda eger düşse fırsatın yad et

Fuzûlî isen izdiyâd-i rütbe-i fazl
Diyâr-i Rûm-ı gözet terk-i hâk-i Bağdâd et

(Me fâ i lün fâ i lâ tün me fâ i lün fâ i lün)