Fuzuli - Gazel -18 (Gerçi ey dil yâr içün yüz verdi yüz mihnet sana)

 

Gerçi ey dil yâr içün yüz verdi yüz mihnet sana
Zerrece kat’i mühabbet etmedin rahmet sana

Saklama nakd-i gam-i aşkını ey can zâhir et
Kim verem habs-i bedenden çıkmağa ruhsat sana

Çâre-i bih-bûdumu sordum mu’âlicden dedi
Derd derd-i aşk ise mümkin değil sıhhat sana

Tutarım yarın kıyâmette habîbim dâmenin
Mestsin gaflet şarabından bu gün mühlet sana

Aşk ehlin âteş-i hicrâna eylersin kebâb
Döne döne imtihân ettin budur âdet sana

İncidir nâlem seni veh n’ola ger bir tîğ ile
Çeşm-i cellâdın ede ihsan bana minnet sana

Sende dün gördüm Fuzûlî meyl-i mihrâb-i namâz
Terk-i aşk etmek mi istersin nedir niyyet sana

(Fâ i lâ tün fâ i lâ tün fâ i lâ tün fâ i lün)