Aşk âteş-i tecelî-yi Mansûrdur bana
Her çûb-i dâr bir şecere-i Tûrdur bana
Ol serv-i gül-furûş-i tecelli-i cilveden
Her nahl-i âh bir şecere-i Tûrdur bana
Semt-i belâda bellemişim dâr-i vahdet-i
Seng-i nişân minâre-i Mansûrdur bana
Teblerze zâd gevher-i galtân-i gurbetim
Mihr-i sadef sabâh-i Nişâbûrdur bana
Rehdân-i gayb-im öyle ki ankâ-yi ahşetin
Arz-i refâkat etdigi meşhûrdur bana
Gûyâ hayâl-i hatt-i lebinle müjemde hûn
Bâğ-i vefâda tûtî-i zebûrdur bana
Çekmem humâr-i çîn-i cebîn sergüzeşt-i Cem
Nakş-i gül piyâle-i fâğfûrdur bana
Bakmaz safâ-yı sâgar-ı zerrîne mest-i aşk
Kimyâ-yı ayn o nergis-i mahmûrdur bana
Sad mîh-i tîr-i hecr ile bu sîne-i harâb
Meşk-i figâna tahta-yı santûrdur bana
Bağlandı târ-ı kâkülüne nağme-i cünûn
Zincîrler terâne-i tanbûrdur bana
Kanlar akar aceb ki bu çeşm-i sefîdden
Hûnâbe hîz bu çeşm-i kâfûrdur bana
Mânend-i jâle sâlik-i meczûb-i aşkiyim
Gâlib demem ki şems-i Hudâ dûrdur bana
Bahş etdi hâk-rûbî-i iksîr dergehin
Ol hazretin inâyeti mevfûrdur bana