Aşk u sohbet matla-ı dîvân-ı sıhhatdir bana
Makta-ı nazm-ı hayâtım kat-ı ülfetdir bana
Sâgar-ı gülgûn şerâr-ı âh-ı hasretdir bana
Çeşm-i pür-hûn gonce-i gülzâr vuslatdır bana
Bî-tevakkuf âzım-i dârul-bekâ-yı katlinim
TîI-i zehr-âlûd ebrû-yı işâretdir bana
Mihre isbât-ı şerîk eyler sükûn-ı bahr-i sâf
Iztırâb âyîne-i dîdâr-ı vahdetdir bana
Dûr eder şem’-i seherden şebçerâğ-ı şu’lesi
Cevher-i cân seng-i râh-ı bezm-i ru’yetdir bana
Sikke-i nakd-i revânım oldu çün gelmez girân
Baht-ı vârûnum benim ser-tâc-ı rif’atdir bana
Men ki sermestim şarâb-ı girye-i hûnînden
Dîde-i esfîdi gör kim subh-ı işretdir bana
Cân helâk ülfet zebân hâmûş dil hoşnûd-ı gâm
Merg ü sıhhat gûyiyâ şükr ü şikâyetdir bana
Gâlibim men kuvvet-i nutkımla ey Îsî-hamûş
Mani vü elfâz mülkümde raiyyetdir bana