Fuzuli - Gazel (Gayre eyler bî-sebeb bin iltifât ol nûş-leb)

 

Gayre eyler bî-sebeb bin iltifât ol nûş-leb
İltifât etmez bana mutlak nedir bilmem sebeb

Cevr olur âdet gazab vakti ne âdettir bu kim
Cevrin az eyler bana ol mâh çün eyler gazâb

N’ola gamzen fikri düştüyse dil-i sûzânıma
Zâlimin ger olsa âteş menzili olmaz aceb

Dem-be-dem ger dürr-i eşkim düşse gözden vechi var
Yaş uşaklardır yetîm anlarda yok resm-i edeb

Cevri gönlümdür çeken gözdür gören ruhsârını
Allâh Allâh kâm alan kimdir çeken kimdir ta’ab

Yâr bî-dâd eylemez uşşâk feryâd etmeden
Her nice rûzi mukadder olsa vâcibdir taleb

Mutrib ağlatma surûdunla Fuzûlî hasteni
Seyl-i eşkinden sakın kopmaya bünyâd-i tarab

(Fâ i lâ tün fâ i lâ tün fâ i lâ tün fâ i lün)