Âşıka ta'n etmek olmaz mübtelâdır n'eylesin Âdeme mihr ü mahabbet bir belâdır n'eylesin Gönlü dilberden kesilmezse acep mi âşıkın Gamzesiyle tâ ezelden âşinâdır n'eylesin N'ola ta'yin etse zabt-ı mülk-i hüsnü gamzeye Zülfü bir âşüfte-i ser-der-hevâdır n'eylesin Zülfüne kalsa perîşân eylemezdi dilleri Anı da tahrîk eden bâd-ı sabâdır n'eylesin N'ola olsa muztarib hâl-i dil-i uşşâkdan Sînesi âyîne-i âlem-nümâdır n'eylesin Olmasa Nef'î n'ola dil-beste zülf-i dilbere Tab'-ı şûhu dâma düşmez bir Hümâdır n'eylesin
Her zaman manzûr bir şûh-i sitem-kardir bana
Kanda olsam bir belâ Hak’dan mukarrerdir bana
Kanda olsam bir belâ Hak’dan mukarrerdir bana
Ol ham-i ebrûya kılsam secde her sâ’at n’ola
Kıble ile ol ham-i ebrû ber-â-berdir bana
Kıble ile ol ham-i ebrû ber-â-berdir bana
Gam değil cismimde ger seng-i melâmet zahmi var
Şıhna-i bâzâr-i sevdâyım bu buz yurttur bana
Şıhna-i bâzâr-i sevdâyım bu buz yurttur bana
Gözde hûn-âlûde peykânın hayâliyle hoşum
Her biri gûyâ ki bir berg-i gül-i terdir bana
Her biri gûyâ ki bir berg-i gül-i terdir bana
Zahmlerden bin ağız açtım edâ-yi şükre kim
Her okun bir ni’met-i gayr-i mükerrerdir bana
Her okun bir ni’met-i gayr-i mükerrerdir bana
Akl irşâdiyle bulmak kâm mümkindir velî
Dâm-i râh ol halka-i zülf-i mu’anberdir bana
Dâm-i râh ol halka-i zülf-i mu’anberdir bana
Ahter-i bahtım vebâlim gör kim ol mehden gelen
Mihrlerdir özgeye cevr ü cefâlardır bana
Mihrlerdir özgeye cevr ü cefâlardır bana
(Fâ i lâ tün fâ i lâ tün fâ i lâ tün fâ i lün)
Yorumlar
Yorum Gönder