Âşıka ta'n etmek olmaz mübtelâdır n'eylesin Âdeme mihr ü mahabbet bir belâdır n'eylesin Gönlü dilberden kesilmezse acep mi âşıkın Gamzesiyle tâ ezelden âşinâdır n'eylesin N'ola ta'yin etse zabt-ı mülk-i hüsnü gamzeye Zülfü bir âşüfte-i ser-der-hevâdır n'eylesin Zülfüne kalsa perîşân eylemezdi dilleri Anı da tahrîk eden bâd-ı sabâdır n'eylesin N'ola olsa muztarib hâl-i dil-i uşşâkdan Sînesi âyîne-i âlem-nümâdır n'eylesin Olmasa Nef'î n'ola dil-beste zülf-i dilbere Tab'-ı şûhu dâma düşmez bir Hümâdır n'eylesin
Hansı gülzâr içre bir gül açılır hüsnün kimi
Hansı gül bergi leb-i la’l-i dür-efşânınca var
Hansı gül bergi leb-i la’l-i dür-efşânınca var
Hansı bâğın var bir nahli kadin tek bâr-ver
Hansı nahlin hâsılı sîb-i zenahdânınca var
Hansı nahlin hâsılı sîb-i zenahdânınca var
Hansı hûnî sen kimi cellâda olmuştur esîr
Hansı cellâdın kılıcı nevk-i müjgânınca var
Hansı cellâdın kılıcı nevk-i müjgânınca var
Hansı bezm olmuş münevver bir kadin tek şem’den
Hansı şem’in şu’lesi ruhsâr-i tâbânınca var
Hansı şem’in şu’lesi ruhsâr-i tâbânınca var
Hansı yerde tapınır nisbet sana bir genc-i hüsn
Hansı gencin ejderi zülf-i perîşânınca var
Hansı gencin ejderi zülf-i perîşânınca var
Hansı gülşen bülbülün derler Fuzûlî sen kimi
Hansı bülbül nâlesi feryâd ü efgânınca var
Hansı bülbül nâlesi feryâd ü efgânınca var
(Fâilâtûn Fâilâtûn Fâilâtûn Fâilün)
Yorumlar
Yorum Gönder