Mende sığar iki cihân men bu cihâna sığmazam
Cevher-i lâ-mekân menem kevn ü mekâna sığmazam
Kevn ü mekândır âyetim zâta gider bidâyetim
Sen bu nişân ile meni bil ki nişâna sığmazam
Kimse gümân ü zann ile olmadı Hakk ile biliş
Hakk'ı bilen bilir ki men zann ü gümâna sığmazam
Sûrete bak vü ma'nîyi sûret içinde tanı kim
Cism ile cân menem velî cism ile câna sığmazam
Hem sadefem hem inciyem haşr ü sırât
Bunca kumâş ü raht ile men bu dükâna sığmazam
Genc-i nihân menem men uş 'ayn-ı ayân menem men uş
Gevher-i kân menem men uş bahr ile kâna sığmazam
'Arş ile ferş ü kâf ü nûn mende bulundu cümle çün
Kes sözünü uzatma kim şerh u beyâna sığmazam
Gerçi muhît-i a'zamam adım âdemdurur âdemim
Dâr ile kün fekân menem men bu mekâna sığmazam
Cân ile hem cihân menem dehr ile hem zamân menem
Gör bu latifeyi ki men dehr ü zamâna sığmazam
Encüm ile felek menem vahy ile melek menem
Çek dilini vü ebsem ol men bu lisâna sığmazam
Zerre menem güneş menem çâr ile penc ü şeş menem
Sûreti gör beyân ile çünkü beyâna sığmazam
Zât ileyim sıfât ile kadr ileyim berât ile
Gül-şekerim nebât ile pista-dehâna sığmazam
Şehd ile hem şekker menem şems ile hem kamer menem
Rûh-ı revân bağışlarım rûh-ı revâna sığmazam
Tîr menem kemân menem pîr menem cuvân menem
Devlet-i câvidan menem îne vü âna sığmazam
Yer ü göğü düzen menem geri dönüp bozan menem
Cümle yazı yazan menem ben bu dîvâna sığmazam
Nâra yanan şecer menem çarha çıkar hacer menem
Gör bu odun zebânesin ben bu zebâne sığmazam
Gerçi bugün Nesîmîyem Hâşîmîyem Kureyşîyem
Bundan uludur âyetim âyet ü şâna sığmazam
Yorumlar
Yorum Gönder