Saňa zâhid eger dirse şarâb-ı dil-güşâdan geç
Şarâb-ı dil-güşâdan geçme ey dil bu riyâdan geç
Saňa ehl-i vefâdan geç diyü ibrâm iderlerse
Sen uyma sevdügüm aġyâr-ı bed-gūya cefâdan geç
Dalâlet bir belâdur başda ammâ def’i âsândur
Gel ey zâhid mürīd-i pīr-i ‘aşķ ol ol belâdan geç
Dimem hergiz elden ŝafâ-yı cân u tesbīhden el çek
Ne źikr-i Haķdan ol fâriġ ne câm-ı dil-güşâdan geç
Beķâ bezmindedür Rūhī ŝafâ-yı bâde-i vahdet
İrişmekse ġaraż ol źevķa bu bezm-i fenâdan geç
----------
Mefâ’ilün / mefâ’ilün / mefâ’ilün / mefâ’ilün