Koca Ragıb Paşa - Kaside (Ramazâniyye der Sitâyiş-i Vâlî-i Bağdâd Ahmed Pâşâ der Vakt-i Defterdârî Gofte)

Ne aceb sür'at ile geldi bu yıl Mâh-i Sıyâm

Çekdi bir baş gelüp belde-i Bağdâd'a licâm

Giceyi gündüze katmış ne şitâb ile gelür

Müjde-i îd'e ider sanki mübârek ikdâm

Şöyle bir gaflet ile basdı ki ta'bîr idemem

Gûyyâ bezmi2 basan şıhne gibi bî-hengâm

Kesdiler mey-kededen bâde-perestân ayağı

Göriip el virmediğin âlem-i âba eyyâm

Oturuşdu tek ü pûy-i ney ü meydan rindân

Zâhidân eylediler şimdi terâvîhe kıyâm

Ramazan hürmetine arkası mihrâbdadır

Cümleye itse tasaddur yeri var şimdi imâm

Câme-i nev keser erbâb-i tabiat Id'e

Şikem ashâbı da iftâra keserler endâm

Ehl-i keyfin kem olur hâhişi savma zîrâ

Viremez tab'-i sehâ-pîşesi imsâke nizâm

Müşkil olsa ne aceb farkı melekle beşerin

Za'f-i imsâk ile hep buldı letâfet ecsâm 

Hoş gelür dil-ber-i billûr-beden vaslından

Yakt-i iftâra gelen nargil-i sîm-endam

Neşât-i sofra-i bezmi veriyor hân-i fütûr

Şerbet-i kâse olup câm-i şerâb-i gül-fâm

Şimdi germiyyet ü ülfet de cevâmi'de olur

Döndü tâhûne-i bî-âba harâbât-i zihâm

Sanma mâh-i nev-i rûze felek ihdâ edecek

Id içün tevsen-i ikbâline bir sîm licâm

Alem-i nusretine yâ ide bir zer melıee

Ya ola şâtırına hancer-i zerrın-niyâm

Âsmân-pâye Ferîdun-haşem Ahmed Pâşâ

Olsa şâyeste silâh-şorı olurdı Behrâm

Hâtem-i bezm-i sehâ saf-şiken-i rûz-i vega

Âb-i rûy-i vüzerâ âsaf-i mergub-i enâm 

Nükte cem' olmadığına dü cihânm bu yeter

Ger olaydı ikisin birden iderdi in'âm

Kûhlar lerziş-i bîmi ile bahr-i sîm-âb

Nice tâb-âver olur satvetine Rüstem fi Sâm

Cevelân itse olur fikr-i sebiik-pervâzı

Nice müşkil ise âgazdan evvel encâm

Fehm ile dikkat olunsa her iki tedbîre

Bulunur cümle bunun pûhte Aristo'nun hâm

Şîve-i lûtf ile üslûb-i lıakîmâne ile

Ne Aristo ki Felâtun'ları eyler ilzâm

Rütbe-i câhına nisbet feleğin rütbesi pest

Rütbe-i1 kadrine kûtâh kemend-i evhâm

Olmasa dâire-i haşmetine2 teng eger

Nüh felek idi dokuz kubbeli bir çetr-i be-nâm

Âb-i ihsanı mecârî-i merâme cârî

Devr-i adlinde suyın buldı medâr-i eyyâm

Pâs-bân-i reme-i halk olalı insâfı

Gürg ile eylediler akd-i uhuvvet agnâm

Âşiyân-sâz-i zuhûr olalı adi ü dâdı

Gider âmiziş içün lâne-i şâhîne hamâm

Dest-gîri-i keremle komadı üftâde

Pây-i dil-dâra meğer dil-şüdegân-i nâ-kâm

Kaldılar gamze-i hûbân dahi te'sîrinden

Fitneyi eyledi ahdinde o rütbe i'dâm

Zuafâ var mı nevâli ile hep kuvvetlü

İde bî-tâb meğer âdemi idmân-i sıyâm 

Dâverâ midhat ü evsâfına pâyân olmaz

Nite kim derd ü gam-i bendene yokdur encâm

Lîk hengâmı değil arz ideyim tafsilin

Iderim hazrete inhâ hele gelsiin Bayram

Fâris-i arsa-i irfân geçinürken şimdi

Yerlere urdı beni tevsen-i baht-i bed-râm

Lâkin ümmîdim odur râyiz-i lûtf ü keremin

Çıka2 ol kâfire bir keskin üzengiyle temâm

Olsa bir kerre eger elde inân-i fikrim

Saf-i mazmûna göreydin nice olur ikdâm

Hele kalsun bu şikâyet varak-i diğerdir

Hem i der ma'ni-i na-kerde murâdı îhâm

itme itnâb ile tasdi' vakt nâzükdür

Râgıb'â şimdi ki hengâm-i duâdır hengâm

Rûzı Nev-rûz ü şebi subh ü sabâhı ola îd

Tâ teâkub ide âlemde şühûr ü a'vâm