Âşıka ta'n etmek olmaz mübtelâdır n'eylesin Âdeme mihr ü mahabbet bir belâdır n'eylesin Gönlü dilberden kesilmezse acep mi âşıkın Gamzesiyle tâ ezelden âşinâdır n'eylesin N'ola ta'yin etse zabt-ı mülk-i hüsnü gamzeye Zülfü bir âşüfte-i ser-der-hevâdır n'eylesin Zülfüne kalsa perîşân eylemezdi dilleri Anı da tahrîk eden bâd-ı sabâdır n'eylesin N'ola olsa muztarib hâl-i dil-i uşşâkdan Sînesi âyîne-i âlem-nümâdır n'eylesin Olmasa Nef'î n'ola dil-beste zülf-i dilbere Tab'-ı şûhu dâma düşmez bir Hümâdır n'eylesin
Geldikti bir zaman Sarı Saltık'la Asya' dan,
Bir bir Diyâr-ı Rûm'a dağıldık Sakarya'dan.
Seyrindeyiz atıldığı sahilsiz enginin,
Atmeydanı' nda ölmüş “enelhak” şehîdinin.
Merhûm Edirne Şeyhi Neşâtî diyor ki: “Biz
Saf aynalarda sırroluruz öyle gâibiz.”
Zâhid hayâl eder bizi meyhane zındığı,
Bilmez ki sen ve ben hepimizdir tapındığı.
Gâibde bir muhâvere geçmiş de pek hafî,
Gaybî’ye söylemiş bunu İdris-i Muhtefî
Etdik o kadar ref-i teayün ki Neşâtî
Ayine-i pür-tâb-ı mücellâda nihânız
Yorumlar
Yorum Gönder