13 Mayıs 2024 Pazartesi

Fuzuli - Gazel (Ey gubâr-i kademin arş-i berin başına tâc)

 

Ey gubâr-i kademin arş-i berin başına tâc
Şeref-i zâtına ednâ-yi merâtib Mi’râc
Müntehî şer’ine edyân-i tamâmi-i rüsûl
Bahrsin sâ’ir-i erbâb-i risâlet emvâc
Hâzin-i genc-i şefâ’at seni kılmış Îzid
Hiç kim yok ki sana olmaya âhir muhtâc
Sünnetin mağfiret esbâbına minhâc-i husûl
Tâ’atin ma’siyet emrâzına tedbîr-i ilâc
Halka taklîd-i sülûkun sebeb-i hüsn-i ma’âş
Mülke tağyîr-i tarîkin eser-i sü’-i mizâc
Kâ’im olmazdı nizâm ü nesak-i asl-i vucûd
Vermeseydin eser-i adl ile dünyâya revâc
Şükr li’llâh ki Fuzûlî’ni edip dâhil-i feyz
Rağbetin dâ’ire-i hafdan etmiş ihrâc
(Fe i lâ tün fe i lâ tün fe i lâ tün fe i lün)


Hiç yorum yok:

Yorum Gönder

Erkin Vohidov - O'zbegim

  Tarixingdir ming asrlar Ichra pinhon, o‘zbegim, Senga tengdosh Pomiru Oqsoch Tiyonshon, o‘zbegim. So‘ylasin Afrosiyobu So‘ylasin O‘rxun xa...

Çok Okunanlar: