Anacan (xalq mahnısı)

 

Anacan, bağrımı qan eyləmişəm mən,

Gözlərimi giryan eyləmişəm mən.

Bir ala gözlü yarın eşqi yolunda,

Öz canımı qurban eyləmişəm mən.

Anacan, ağrın alım.

Anacan, başına dönüm

Qoy dolanım mən, mən, mən, mən.

Mənim öz sevgilimə

Heyran olum mən. mən, mən, mən.

Gülü xəndan kimidir yarın ləbləri,

Ceyrana bənzər onun ala gözləri.

İki kəlmə danışıb, ayrıldı məndən,

Əqlimi şur elədi şirin sözləri.

Anacan, ağrın alım.

Anacan, başına dönüm

Qoy dolanım mən, mən, mən, mən.

Mənim öz sevgilimə

Heyran olum mən. mən, mən, mən.