Bir kadehle bizi sâkî gamdan âzâd eyledi
Şâd olsun gönlü anun gönlümü şâd eyledi
Bendeyidi bunca yıllar kaddine serv-i revân
Doğrulukla kulluk etdiğiyçün âzâd eyledi
Husrev-i hûbân eden sen dilber-i şîrîn-lebi
Bîsütûn-ı aşk içinde beni Ferhâd eyledi
Od ile korkutma vâiz bizi kim la’l-i nigâr
Cânımız bizim oda yanmağa mu’tâd eyledi
Nas getirdi hüsnünün da’vâsın isbât etmeğe
Ol ki yârin kaşını nûn u gözün sâd eyledi
İster isen mülk-i hüsn âbâd ola dâd eyle kim
Pâdişehler dâd ile mülkünü âbâd eyledi
Aldayıp aldı dehânı yok bahâya cânımı
Sorana bir bûseye aldım deyü ad eyledi
* (Bu gazelin Hoca Dehhaniye ait olduğu bilinirken bazı kaynaklar Kemalpaşazade'ye ait olduğunu iddia etmişlerdir.)
Hiç yorum yok:
Yorum Gönder