Hazân irişdi gelün işret-i hazân idelüm
Çemenlere girüben bir zamân figân idelüm
Eger kesildise ırmağ içinde âb-ı revân
Bu çeşm çeşmesini ırmağa revân idelüm
Çü yaprağun yüzini za’ferâni kıldı hazân
Kızıl mey ile beniz sâzın ergavân idelüm
Vedâ’-ı bâğ idüben şöyle uralum âhı
Ki ayva benzini oddan çü za’ferân idelüm
Haber virelüm enâra ki yandı budağlar
Bu dâğ ile içini dâne dâne kan idelüm
Sararuban kamu yaprak bigi kara yirde
Nihân yatur kanı göz kim sana ıyân idelüm
Kanı şular ki sana dirler idi Dehhânî
Oturmagıl turugel azm-i bûstân idelüm
Hiç yorum yok:
Yorum Gönder