Yine görürem bende saʿādet eseri var
Kim şol gözelüŋ baŋa ʿināyet naẓarı var
Beŋzer ki ḳatı göŋline āhum eser itmiş
Her āh ki cāndan ḳopa ṭaşa eseri var
Dīvāne anuŋ şemʿ-i cemāline naẓar ḳıl
Tā rūşen ola dünyede kim saŋa perī var
Görmedi felek gözleyüben biŋ göz-ile hīç
Aġzı bigi bir ḥoḳka ki ṭolu güheri var
Yalŋuz mı menem ʿāşıḳ u āvāre elinde
Bu bābda biŋ bencileyin derbederi var
ʿĀşıḳda ne var kim ide maʿşūḳına īsār
Ger nesnesi yoḳsa hele āh-ı seḥeri var
Dehhāni anuŋ bilini bilüŋ ki ḳuçamaz
Ger ḳuçsa kemer ḳuça ki bilinde zeri var
Hiç yorum yok:
Yorum Gönder