Bir kez göñül yıkduñısa bu kılduğuñ namâz degül
Yitmiş iki millet dahı elin yüzin yumaz degül
Erenler gelüp geçdiler dünyâyı koyup göçdiler
Havâya agup uçdılar bular hümâdur kaz degül
Cân odur kim Hakk'a ire ayak odur yola gire
Er oldur alçakda tura yüksekden bakan göz degül
Münkir ile müdde'îyi sayma buçuğa koyanı
Git ahûra tak buları her kim (ki) 'ışkbâz degül
Toğrı yola gitdüñise er etegin tutduñısa
Bir hayır da itdüñise birine biñdür az degül
Yûnus bu sözleri çatar sanki balı yağa katar
Halka metâ‘ların satar yüki güherdür tuz degül