Hân Selîm-i ma’delet-perver hidîv-i dâd-ger
Zâhiren sultân-ı âlem mazhar-ı sultân-ı âşk
Pâdişâh-ı heft-kişver âftâb-ı nûr-bahş
Kim ziyâsıyla münevverdir ânın eyvân-ı aşk
Yapdırıp bu hânkâhı resm-i nev-bünyâd ile
Kurdu ervâh-ı ricâlullâha bir dîvân-ı aşk
Ferşini arş-ı berîn-veş eyleyip pür-nûr-ı şevk
Oldu hoşnûd-ı kemâl-i himmet-i pîrân-ı aşk
Bir nâzarla eyledi ma’mûre-i sûr u sürûr
Olmuş iken dest-bürd-ı vecd ile virân-ı aşk
Hazret-i Monlâya hürmet âlem-i tamîrdir
Feyzi zîrâ andan almışdır bütün merdân-ı aşk
Zühre bu dergehden eyler ahz-i âheng-i neşât
Çünki olmuşdur semâ’ ile safa erkân-ı aşk
Cezbe-i nûr-ı mahâbbetdir medâr-ı kâinât
Anlamaz bu sırrı bir şeb olmayan mihmân-ı aşk
Geldi bir mısra’la Gâlib ana târîh-i bülend
Ayn-ı resm-i âsümân-ı bî-bedel meydân-ı aşk*
-------------
(Bu mısra, ebced hesabı ile 1206 (m. 1791-1792) tarihini vermektedir ve Galata Mevlevihânesindeki semâhane ile ilgili bir tadilata düşürülen tarihtir.)