Bâb-ı dilber kim raḳîb olmış durur derbân aña
Âsumândur ṣanki çıḳar gâh geh şeyṭân aña
'Âşıḳı dôlâb-veş her laḥẓa giryân itmegi
Yâ o çarḫa ögredür yâ çarḫ-ı ser-gerdân aña
Yâ Rab ol naḳş-ı cihân-ârâ nice maḥbûb olur
Kim ḳalupdur kendü naḳḳâşı daḫi ḥayrân aña
Perr-i tîrüñ ile ḳuş gibi uçardı fülk-i dil
Lenger olmışdur velîkin âhenîn peyḳân aña
Devr idüp öper mey-i telḫiyle la'lüñi ḳadeḥ
Bu Mesîḥîye ne acı yutdurur devrân aña
-------
Fâilâtün / Fâilâtün / Fâilâtün / Fâilün